[vc_row][vc_column][vc_column_text]Martxoaren 11tik aitzinera eta apirilaren akabailara arte, egoitzako 8 langilek eginen dute oinarrizko euskara ikastaroa, guzira 25 orduko iraupena izanen duena. IKAko irakasle Marga Erdozainek emanen ditu eskolak eta taldea gogotsu hasi da.
Bortzirietako egoitzetan laster paratuko dituzte abian euskara planak eta Berako euskara ikastaro hau aitzin urrats bat da. Ikastaroaren denboraren erdia egoitzaren kontura joanen da eta beraz langileek lan ordu horiek libre hartu ahal izanen dituzte euskara ikasteko. Helburua da aurrerantzean ere ikastaroekin segitzea eta arian-arian langileak euskalduntzea.
Euskara planak zaharren egoitzetan
Berako eta Lesakako zaharren egoitzetan euskara planak abiatzeko lanetan ari dira urte hasiera honetan. Langileei eta egoiliar zein familiei euskararen inguruko galdetegia bidali zaie, eta hizkuntza paisaiaren behaketa egin da egoitzetan. Behin datuen azterketa eginda, plana osatuko dute, euskara zerbitzuaren laguntzarekin. Hurrengo urratsa izanen da Euskarabidearekin euskara plana garatzeko hitzarmena sinatzea. Izan ere, parlamentuaren emendakin bidez 4.000 €ko partida bana onartu baitzen aurtengo egoitza bakoitzarentzat. Planen aurkezpenak eta hitzarmenen sinadurak apirilean egitea espero da.[/vc_column_text][/vc_column][/vc_row]
