[vc_row][vc_column][vc_column_text]Hasiera batean irailean egitekoa bazen ere, azken parte hartze saio hori urriaren 4an izanen da, Igantziko Baratzondo Elkartean, 10:00-14:00 bitartean. Saioan parte hartzeko beharrezkoa da aitzinetik izen ematea, formulario hau betez, irailaren 30a baino lehen: https://bzm.eus/ninja-forms/9y6pr
Horrela borobilduko da Bortzirietako Euskara Mankomunitatea urte hasieratik egiten ari den parte hartze prozesua. Prozesuaren helburua da 2026-2031 bitartean eskualdean euskara biziberritzeko garatuko den plana osatzea, bertako arduradun, herritar eta mota aunitzetako eragileekin. Lehen fasea apirilean akabatu zen, eta bertan jasotako ideia, proposamen eta helburuak kontuan hartuta, planaren zirriborroa prestatu du mankomunitateak. Urriko saioan zirriborro hori aurkeztuko da, eta ondoren osatzeko eta ekarpenak egiteko aukera izanen da, eta batez ere helburua izanen da erabakitzea proposatu diren ekintzak zein eragilek eramanen dituen aitzinera.
Saioa irekia izanen da Bortzirietako herritar eta eragile guzientzat, prozesuaren lehen zatian parte hartu dutenentzat nahiz interesa izaten ahal duten gainerako guzientzat.
Saio horretan egindako ekarpenak bildu ondotik, mankomunitateko Batzorde Erabakitzaileak plana aztertuko du eta ontzat eman. Ondoren, 2026ko ekintza plana eta aurrekontua prestatuko eta onartuko dituzte.[/vc_column_text][/vc_column][/vc_row]
