Emanaldiak Jon Martinek idatzi eta izenburu bera duen liburua du abiapuntu. Iriondoren bizitzan barrena bidaiatzeko eta hari gorazarre egiteko proposamen poetiko-literario-musikal sakon bat da.
n
Haren kantuetatik abiatuta, bere ahotsa, mundu sinbolikoa eta garai historikoaren testuingurua bisitatzen ditu. Omenaldia da ikuskizuna, patchwork poetiko bat, musika, hitza eta oroimena ehuntzen dituena.
n
n
Garaia bizi zutenentzat, denboran atzera egindako bidaia. Belaunaldi berrientzat, euskal ikono feminista bat deskubritzeko parada.
n
n
Emanaldiak Lurdes Iriondoren ibilbidearen zentzu existentzial eta kolektiboa azpimarratzen ditu: euskara eta justizia soziala defendatu zituen, eta isiltasunaren gainetik abesten jarraitu zuen. Azken kantuak, “Hala ere”, indar eta erresilientziaren sinbolo gisa itxiera hunkigarria eskaintzen du: “hala ere, gelditu egingo naiz; hau gure lurra da”.
n
Partaideak: Ainhoa Ansa, Irati Odriozola, Jon Martin eta Gari Amundarain
n
Odriozolak eta Ansak Iriondoren abestiak kantatzen dituzte gitarraren laguntzaz; eta azken biek, berriz, Iriondoren bizitzaren eta ekarpenaren baitako irakurketa dramatizatuak egiten dituzte.
nEmanaldia bloke tematikotan egituratua dago, Iriondoren figuraren ezohiko berreraikuntza bat egiteko: Haurtzaroa, Musika, Maitasuna, Gaixotasuna, Sehaska, Euskara, Haurrak eta Emakumea. Bloke bakoitzak poema edo testu dramatizatu bat eta abesti bat uztartzen ditu.
n
Iraupena: 70-75′ . Doan
n
n
